வங்களாதேசிடம் வீழ்ந்த இங்கிலாந்து!

உலக கோப்பை கிரிக்கெட் போட்டியில் இன்று சிட்டகாங்கியில் நடைபெறும் ஆட்டத்தில் இங்கிலாந்து-வங்காள தேசம் அணிகள் மோதின.

இதில் முதலில் பேட்டிங் செய்த இங்கிலாந்து அணி, வங்காள தேச அணியின் பந்து வீச்சில் ரன் எடுக்க திணறினர்.

இறுதியில் 49.4 ஓவர்களில் 225 ரன்களுக்கு சுருண்டது. அதிகபட்சமாக டிராட் 99 பந்தில் 2 பவுண்டரிகளுடன் 67 ரன்களும், மோர்கன் 72 பந்தில் 8 பவுண்டரிகளுடன் 63 ரன்களும் எடுத்தனர்.

பந்து வீச்சில் ஷகிப் அல் ஹசன், நயீம் இஸ்லாம், அப்துர் ரசாக் ஆகியோர் தலா 2 விக்கெட்களை வீழ்த்தினர்.

பின்னர் களம இறங்கிய வங்க தேசம் அணி 49 ஓவர்களில் 8 விக்கெட் இழப்புக்கு 227 ரன்கள் எடுத்து 2 விக்கெட்டுகள் வித்தியாசத்தில் வெற்றி பெற்றது. அதிகபட்சமாக இம்ருல் கேயஸ் 60 ரன்கள் (100 பந்து, 5 பவுண்டரி) எடுத்தார்.

தொடக்க வீரர் தமிம் இக்பால் 38 ரன்கள் எடுத்தார். வங்காள தேச அணி 169 ரன்களுக்கு 8 விக்கெட்டுகளை இழந்து தடுமாறியது.

எனினும் 9-வது விக்கெட்டுக்கு களம் இறங்கிய மக்முதுல்லா, ஷபியுல் இஸ்லாம் ஜோடி 58 ரன்கள் சேர்த்து அணியை வெற்றிக்கு அழைத்து சென்றது.

ஷபியுல் இஸ்லாம் 24 ரன்களும் மக்முதுல்லா 21 ரன்களும் எடுத்து ஆட்டம் இழக்காமல் களத்தில் இருந்தனர்

Share 0